Brailvi Books

بہارِشریعت حصّہ سِوُم (3)

439 - 651

اﷲ (عزوجل) اور فرشتوں کے سوا کوئی نہ دیکھے، اس کے ليے جہنم سے براء ت لکھ دی جاتی ہے۔'' (1) 

    حدیث ۲۴: منیتہ المصلِّی میں ہے، کہ ارشاد فرمایا: ''ہر شے کے ليے ایک علامت ہوتی ہے، ایمان کی علامت نماز ہے۔'' (2) 

    حدیث ۲۵: منیتہ المصلِّی میں ہے، فرمایا: ''نما ز دین کا ستون ہے جس نے اسے قائم رکھا دین کو قائم رکھا اور جس نے اسے چھوڑ دیا دین کو ڈھا دیا۔'' (3) 

    حدیث ۲۶: امام احمد و ابو داود عبادہ بن صامت رضی اللہ تعالیٰ عنہ سے راوی، کہ حضور (صلی اللہ تعالیٰ علیہ وسلم) نے فرمایا: ''پانچ نمازیں اﷲ تعالیٰ نے بندوں پر فرض کیں، جس نے اچھی طرح وضو کیا اور وقت میں پڑھیں اور رکوع و خشوع کو پورا کیا تو اس کے ليے اﷲ تعالیٰ نے اپنے ذمۂ کرم پر عہد کر لیا ہے کہ اسے بخش دے ،اور جس نے نہ کیا اس کے ليے عہد نہیں، چاہے بخش دے، چاہے عذاب کرے۔'' (4) 

    حدیث ۲۷: حاکم نے اپنی تاریخ میں ام المومنین صدیقہ رضی اللہ تعالیٰ عنہا سے روایت کی کہ حضور (صلی اللہ تعالیٰ علیہ وسلم) فرماتے ہیں، کہ اﷲ عزوجل فرماتا ہے:'' اگر وقت میں نماز قائم رکھے تو میرے بندہ کا میرے ذمۂ کرم پر عہد ہے، کہ اسے عذاب نہ دوں اور بے حساب جنت میں داخل کروں۔'' (5) 

    حدیث ۲۸: دیلمی ابو سعید رضی اللہ تعالیٰ عنہ سے راوی، کہ حضور (صلی اللہ تعالیٰ علیہ وسلم) نے فرمایا: ''اﷲ تعالیٰ نے کوئی ایسی چیز فرض نہ کی، جو توحید و نماز سے بہتر ہو۔ اگر اس سے بہتر کوئی چیز ہوتی تو وہ ضرور ملائکہ پر فرض کرتا ،ان میں کوئی رکوع میں ہے، کوئی سجدے میں۔'' (6)

    حدیث ۲۹: ابو داود طیالسی ابو ہریرہ رضی اللہ تعالیٰ عنہ سے راوی، کہ حضور (صلی اللہ تعالیٰ علیہ وسلم) نے فرمایا: ''جو بندہ نماز پڑھ کر اس جگہ جب تک بیٹھا رہتا ہے، فرشتے اس کے ليے استغفار کرتے رہتے ہیں، اس وقت تک کہ بے وضو ہوجائے يا اٹھ کھڑا

1۔۔۔۔۔۔ ''کنزالعمال''، کتاب الصلاۃ، الحدیث: ۱۹۰۱۵، ج۷، ص۱۲۵. 

2۔۔۔۔۔۔ ''منیۃ المصلي''، ثبوت فرضیۃ الصلاۃ بالسنۃ، ص۱۳. 

3۔۔۔۔۔۔ ''منیۃ المصلي''، ثبوت فرضیۃ الصلاۃ بالسنۃ، ص۱۳. 

4۔۔۔۔۔۔ ''سنن أبي داود''، کتاب الصلاۃ، باب المحافظۃ علی الصلوات، الحدیث: ۴۲۵، ج۱، ص۱۸۶. 

5۔۔۔۔۔۔ ''کنزالعمال''،، کتاب الصلاۃ،الحدیث: ۱۹۰۳۲، ج۷، ص۱۲۷. 

6۔۔۔۔۔۔ ''الفردوس بمأثور الخطاب''، الحدیث: ۶۱۰، ج۱، ص۱۶۵.