Brailvi Books
 |
بہارِشریعت حصّہ دوم (2) |
425 - 432
تعریف مائے مطلق اور ان تمام جزئیات سے بخوبی روشن ہوگیا کہ مطلقاً تغیر اوصاف پانی کے مقید کرنے کو کافی نہیں تاوقتیکہ پانی کا نام نہ بدلے۔ جس پانی میں چنے بھیگے یا زعفران کی تھوڑی مقدار گھولی یا مازو وغیرہ اتنے ملائے کہ لکھنے کے قابل نہ ہو یا اسی قسم کے اور جزئیات جن میں جواز وضو کتب فقہ میں مصرح ہے کیا ان پانیوں کے اوصاف نہ بدلے؟ ضرور بدلیتو اگر مطلقاً تغیر اوصاف پانی کو مقید کردیتا تو ان سے وضو جائز ہونے کی کوئی صورت نہ تھی اب اس کے بعض اور جزئیات نقل کرتے ہیں کہ اوصاف تینوں متغیر ہوگئے اور وضو جائز۔ کوئیں میں رسی لٹکتی رہی جس سے اس کا رنگ، مزہ، بو تینوں وصف بدل جائیں اس سے وضو جائز ہے۔
فتاویٰ امام شیخ الاسلام غزی تمر تاشی میں ہے:سئل عن الوضوءِ والاغتسال بماء تغیر لونہ وطعمہ وریحہ بحبلہ المعلق علیہ الاخراج الماء فھل یجوز ام لااجاب یجوز عند جمہور اصحابنا اھ(1) ملتقطا.
موسم خزاں میں بکثرت پتے پانی میں گرے کہ اس کے اوصاف ثلٰثہ کو متغیر کردیا۔ اگرچہ رنگ اتنا غالب ہوگیا کہ ہاتھ میں لینے سے بھی محسوس ہوتا ہو اگر رقت باقی ہے صحیح مذہب میں وضو جائز ہے۔
سراج وہاج و فتاوائے عالمگیریہ وجوہرہ نیرہ و فتاوائے امام غزی تمر تاشی میں ہے:فان تغیرت اوصافہ الثلثۃ بوقوع اوراق الاشجار فیہ وقت الخریف فانہ یجوز بہ الوضوء عند عامۃ اصحابنا رحمہم اللہ تعالٰی . (2)