Brailvi Books
 |
بہارِشریعت حصّہ دوم (2) |
416 - 432
تو وہی کافی ہے کہ یہ پانی ہے اور پانی بذاتہ نجس نہیں تاوقتیکہ کسی نجس کا خلط یا نجس کا مس نہ ہو نجس نہیں ہوسکتا۔ نجس کا خلط جیسے شراب یا پیشاب یا دیگر اشیائے نجسہ اس میں مِل جائیں تو اگر قلیل ہے یعنی دہ در دہ سے کم ہے تو اب ناپاک ہوجائے گااور اگر دہ دردہ ہے تو نجس کے ملنے سے بھی اس وقت ناپاک ہوگا کہ اس نجس شے نے اس کے رنگ یا بو یا مزہ کو بدل دیا۔ در مختار میں ہے:
وینجس بتغیر احد اوصافہ من لون او طعم او ریح ینجس الکثیر ولو جاریا اجماعا أماالقلیل فینجس وان لم یتغیر۔ (1) عالمگیریہ میں ہے: الماء الراکد اذاکان کثیرا فھو بمنزلۃ الجاری لا یتنجس جمیعہ بوقوع النجاسۃ فی طرف منہ الا ان یتغیر لونہ او طعمہ اوریحہ وعلی ھذا اتفق العلماء وبہ اخذ عامۃ المشائخ رحمہم اللہ تعالیٰ کذا فی " المحیط ". (2)
مس کی صورت یہ ہے کہ نجس چیز پانی سے چھو جائے اگرچہ اس کے اجزا اس میں نہ ملیں قلیل پانی نجس ہو جائے گا۔ جیسے سوئر کے بدن کا کوئی حصہ اگرچہ بال پانی سے چھو جائے نجس ہوجائے گا۔ اگرچہ وہ فوراً اس سے جدا کرلیا جائے اگر چہ لعاب وغیرہ کوئی نجاست اس کے بدن سے جدا ہوکر پانی میں نہ ملی ہندیہ میں ہے:
وان کان نجس العین کا لخنزیر فانہ یتنجس وان لم یدخل فاہ . (3)