لغت میں پینے کی چیز کو شراب کہتے ہیں اور اصطلاح فقہاء میں شراب اُسے کہتے ہیں جس سے نشہ ہوتا ہے۔
(بہارشریعت،ج۳، حصہ ۱۷،ص۶۷۱)
کھیت کی آبپاشی یا جانوروں کو پانی پلانے کے لیے جو باری مقرر کرلی جاتی ہے اُس کو شرب کہتے ہیں۔
(بہارشریعت، ج۳حصہ ۱۷،ص۶۶۶)
وہ شے جوحقیقت شے میں داخل نہ ہولیکن اس کے بغیرشے موجودنہ ہو،جیسے نمازکے لیے وضو وغیرہ۔
(ماخوذازفتاوی رضویہ ،ج۱۰،ص ۷۸۶)
اللہ تبارک وتعالیٰ کی ذات وصفات میں کسی دوسرے کوشریک کرناشرک کہلاتاہے۔
شکار اُس وحشی جانور کو کہتے ہیں جو آدمیوں سے بھاگتا ہو اور بغیر حیلہ نہ پکڑا جا سکتا ہواور کبھی فعل یعنی اس جانور کے پکڑنے کو بھی شکار کہتے ہیں۔
(بہارشریعت، ج۳،حصہ ۱۷،ص۶۷۹)
شرکت ایسے معاملہ کانام ہے جس میں دوافرادسرمایہ اورنفع میں شریک رہنا طے کریں۔
دو شخص باہم کسی چیز میں شرکت کا عقد کریں مثلاًایک کہے میں تیرا شریک ہوں دوسرا کہے مجھے منظور ہے۔
(ماخوذ ازبہارشریعت ،ج۲،حصہ ۱۰ ،ص۴۸۹)
دو شخص کسی خاص نوع کی تجارت،یاہر قسم کی تجارت میں شرکت کریں مگر ہر ایک، دوسرے کا ضامن نہ ہو، صرف دونوں شریک آپس میں ایک دوسرے کے وکیل ہوں گے۔
(ماخوذ ازبہارشریعت ،ج۲،حصہ ۱۰ ،ص۴۹۸)
جس شرکت میں ہر ایک شخص دوسرے کا وکیل و کفیل ہو یعنی ہر ایک کا مطالبہ دوسرا وصول کرسکتا ہے اور ہر ایک پر جو مطالبہ ہوگا دوسرا اُسکی طرف سے ضامن ہے اور شرکتِ مفاوضہ میں یہ ضرور ہے کہ دونوں کے مال برابر ہوں اورنفع میں دونوں برابر کے شریک ہوں اور تصرف و دَین میں بھی مساوات ہو، لہٰذا آزادو غلام میں اور نابالغ وبالغ میں اور مسلمان و کافر میں اور عاقل و مجنون میں اور دو نابالغوں میں اور دو غلاموں میں شرکت مفاوضہ نہیں ہوسکتی۔
(بہارشریعت ،ج۲،حصہ ۱۰ ،ص۴۹۱)
