Brailvi Books

 پڑھ کر جاءز وناجاءز کی تفصیل معلوم کی جائے۔اَلْحَمْدُ لِلّٰہ عَزَّوَجَلَّ دیگرعلمائے اھلسنَّت نے بھی بہارِشریعت کو'' عالم بنانے والی کتاب '' تسلیم کیا ہے۔چُنانچِہ مُحَقِّقِ عصر حضرتِ علامہ مولیٰنا مفتی الحاج محمدنظام الدّین رضوی اطا لَ اللہُ عمرَہ،( صدر شُعبہ افتا، دارالعلوم اشرفیہ مصباح العلوم ، مبارک پور ،ضلع اعظم گڑھ،یوپی ،الھند)۲۸ جمادی الاولیٰ ۱۴۲۹ھ کو جاری کردہ اپنے ایک فتوے میں اِرقام فرماتے ہیں: آج ھمارے عُرف میں جن حضرات پر عالِم، فقیہ، مفتی کا اطلاق ہوتا ہے یہ وُہی لوگ ہیں جو کثیرفُرُوعی مسائل کے حافِظ ہوں اور فِقہ کے بیشتر ضَروری اَبواب پر ان کی نظر ہو،تاکہ جب بھی کوئی مسئلہ درپیش ہو سمجھ جائیں کہ اس کا حکم فُلاں باب میں ملے گا، پھر اسے نکال کربِغیر دوسرے کے سمجھائے بخوبی سمجھ سکیں اور صحیح حکمِ شرعی بتا سکیں۔ بہارِ شریعت کو'' عالم بنانے والی کتاب'' اسی لحاظ سے کہاجاتا ہے کہ جو شخص اسے اچھی طرح سمجھ کر پڑھ لے اور اس کے مسائلِ کثیرہ کو ذِہن نشین کرلے تو وہ عالم ہو جائے گا کہ وہ حافِظ فُرُوعِ کثیرہ ہے۔''

اللہُ رَبُّ الْعِزَّت عَزَّوَجَلَّ کی صدر ِشریعت پر رحمت ہو اوران کے صدقے ھماری مغفِرت ہو۔


    بہارِ شریعت کے اس عظیم علمی ذخیرے کومُفید سے مُفید تربنانے کے لئے اس پر دعوتِ اسلامی کی مجلس، المدینۃ العلمیۃ کے مَدَنی علماء نے تَخریج وتسہیل اور کہیں کہیں حَواشی لکھنے کی سعی کی ہے اور مکتبۃُ المدینہ سے طبع ہو کر ،تادمِ تحریر اس کے 1 تا6 اور سولہواں حصہ منظرِ عام پر آچکے ہیں ۔اب ابتِدائی 6 حصّوں کو ایک جلد میں پیش کیا جارہا ہے ۔اللہ تعالیٰ دعوتِ اسلامی کی اس خدمت کوقَبول فرمائے اور اِس کا نفع عام فرمائے ۔