Brailvi Books
 |
بدگمانی |
54 - 64
اور غالب آنے کی کوشش کرتا ہے تو اس کا مطلب یہ ہے کہ اللہ عَزَّوَجَلَّ کو ہمارے مجاہدے ، ہماری قوّت اور صَبْر کا امتحان مقصود ہے یعنی اللہ تعالیٰ آزماتا ہے کہ تم شیطان سے مُقَابَلَہ اور مُحاربہ کرتے ہو یا اس سے مغلوب ہوجاتے ہو ۔''
(منہاج العابدین،العائق الثالث: الشیطٰن ،ص۴۶،ملخصاً)
دوسروں کو بدگُمانی سے بچائيے
میٹھے میٹھے اِسلامی بھائیو!
اپنے آپ کو بدگُمانی سے بچانے کے ساتھ ساتھ ایسے کاموں سے بھی بچئے جن کے سبب دوسروں کے بدگُمانی میں مبتلا ہونے کا اندیشہ ہو۔حضرت سیدنا ابن عمر رضی اللہ تعالیٰ عنہما سے مروی ہے کہ حضورِ پاک، صاحبِ لَولاک، سیّاحِ افلاک صلَّی اللہ تعالیٰ علیہ واٰلہٖ وسلّم کا فرمان نصیحت نشان ہے :''جب تین آدمی ہوں تو تیسرے کو چھوڑ کر دو آدمی سرگوشی نہ کریں۔''