Brailvi Books
 |
باحیا نوجوان |
52 - 64
حالانکہ وہ اسے (یعنی اُس کے سننے کو) نا پسند کرتے ہیں تو بروزِ قیامت اس کے کانوں میں پگھلا ہوا سیسہ اُنڈیلا جائیگا۔'' (صحيحُ البُخارِی ج۴ ص۴۲۲ حدیث ۷۰۴۲ ) ''طَبَرانِی'' میں ایک طویل حدیث میں یہ بھی ہے: ''پھر میں نے کچھ ایسے لوگ دیکھے جن کی آنکھیں اور کان کیلوں سے ٹھکے ہوئے تھے دریافت کرنے پر بتایا گیا: یہ وہ لوگ ہیں جو وہ دیکھتے ہیں جوا نہیں نہیں دیکھنا چاہیے اور وہ سنتے ہیں جو انہیں نہیں سننا چاہیے۔(یعنی ناجائز دیکھتے اور سنتے ہیں) (اَلْمُعْجَمُ الْکَبِیْرلِلطَّبَرَانِی ج۸ ص۱۵۵ حدیث ۷۶۶۶داراحیاء التراث العربی بيروت)
لباسِ حياء:
یٰبَنِیۡۤ اٰدَمَ قَدْ اَنۡزَلْنَا عَلَیۡکُمْ لِبَاسًا یُّوَارِیۡ سَوْاٰتِکُمْ وَرِیۡشًا ؕ (پ8 الاعراف 26)
میٹھے میٹھے اسلامی بھائیو! ہمیں تقویٰ اختیار کرتے ہوئے باطِنی طور پر بھی خود کو پاک رکھنا ہے اور سِتر پوش لباس پہن کر ظاہری طور پر بھی بے حيائی سے باز رہنا ہے۔اللہ تعالیٰ پارہ 8 سورۃُ الْاَعراف آیت 26 میں ارشاد فرماتا ہے: