حضرت سیدناعبد اللہ بن مسعود رضی اللہ تعالیٰ عنہ نے اپنی مجلس میں شریک لوگوں سے ارشا د فرمایا:''تم لوگ حضورنبی کریم صلَّی اللہ تعالیٰ علیہ وآلہ وسلَّم کے صحابہ کرام رضوان اللہ تعالیٰ علیہم اجمعین سے زیادہ نمازیں پڑھنے والے ،ان سے زیادہ روزے رکھنے والے اوران سے زیادہ جہاد کرنے والے ہو لیکن وہ حضرات تم سے بہتر تھے ۔''تو لوگوں نے عرض:''اے ابو عبد الرحمن !اس کی کیاوجہ ہے ؟'' آپ رضی اللہ تعالیٰ عنہ نے ارشادفرمایا:''یہ اس لئے کہ حضوررحمت عالم صلَّی اللہ تعالیٰ علیہ وآلہ وسلَّم کے صحابہ کرام رضوان اللہ تعالیٰ علیہم اجمعین تم سے زیادہ دنیا سے کنارہ کشی کرنے والے اورتم سے زیادہ آخرت میں رغبت رکھنے والے تھے ۔''
