Brailvi Books

    اس مسئلہ میں تحقیق یہ ہے کہ نہ توکلی طورپرفقر(یعنی غریبی) کوغِنا(یعنی مالداری)پر فضیلت ہے اور نہ ہی غِناکلی طورپرفقرسے افضل ہے کیونکہ بہت سے اغنیاء ایسے ہیں کہ جن کومال ودولت اللہ عزوجل کی یاداور عبادت سے غافل نہیں کرتے اور کتنے ہی فقیر ایسے ہیں جن کو غربت نے عبادتِ الٰہی عزوجل سے دُورکررکھاہے ۔جبکہ بہت سے پاکدامن فقیرایسے بھی ہیں جواپنے لئے اللہ عزوجل کی تقسیم پرراضی ہیں اور کتنے ہی مالدار ایسے ہیں کہ مالداری نے انہیں اللہ عزوجل کی اطاعت سے دورکردیاہے۔بہرحال ہونا یہ چاہے کہ غربت میں بندہ صبرورضاکاپیکربنارہے اور مالداری میں اللہ عزوجل کا شکراوراس کی ثنابجالائے کیونکہ دنیاکی یہ چند روزہ زندگی ختم ہونے اورگزرجانے والی ہے۔