Brailvi Books
 |
الزھد وقصرالامل (دُنیاسے بے رغبتی اوراُمیدوں کی کمی) |
56 - 82
تیرے دل کوغناء سے اور تیرے ہاتھوں کو رزق سے بھر دوں گا۔اور اے ابن آدم !تو میری عبادت سے دوری اختیارنہ کر (ورنہ )میں تیرے دل کو فقر سے بھردوں گااور تیرے ہاتھوں کودنیاوی کاموں میں مصروف کردوں گا۔''
(المستدرک للحاکم ،کتاب الرقاق،الحدیث:۷۹۹۶،ج ۵،ص۴۶۴)
(۲)۔۔۔۔۔۔حضرت سیدناابوموسیٰ اشعری رضی اللہ تعالیٰ عنہ سے روایت ہے کہ اللہ کے محبوب، دانائے غیوب،منزہ عن العیوب عزوجل و صلَّی اللہ تعالیٰ علیہ وآلہ وسلَّم کافرمانِ عبرت نشان ہے:''جس نے دنیا سے محبت کی وہ آخرت میں نقصان اٹھائے گااورجس نے آخرت سے محبت کی اس کو دنیا میں نقصان ہوگا ،توتم باقی رہنے والی (آخرت)کو فنا ہونے والی(دنیا) پرترجیح دو۔''
(المرجع السابق،الحدیث:۷۹۶۷،ص۴۵۴)