Brailvi Books

    دنیامیں مؤمن کانفس اس وقت خوش ہوتا ہے جب وہ اس بات کی حقیقت کوجان لے کہ اس کا حقیقی مال وہ ہے جواس نے کھاکرختم کردیا،جو پہن کربوسیدہ کردیا اور جسے راہِ خدا عزوجل میں صدقہ کرکے آخرت کے لئے محفوظ کرلیا اور اس کے علاوہ باقی سارامال وہ عنقریب اپنے ورثاء کے لئے چھوڑجائے گا۔چنانچہ،

(۱)۔۔۔۔۔۔ حضرت سیدنا مطرف کے والدرضی اللہ تعالیٰ عنہما سے مروی ہے کہ میں حضورِ پاک، صاحبِ لَوْلاک، سیّاحِ اَفلاک صلَّی اللہ تعالیٰ علیہ وآلہ وسلَّم کی خدمت میں حاضر ہوا تو آپ صلَّی اللہ تعالیٰ علیہ وآلہ وسلَّم سورہ اَلْھٰکُمُ التَّکَاثُر(پ۳۰،تکاثر)کی تلاوت فرمارہے تھے۔ چنانچہ،آپ صلَّی اللہ تعالیٰ علیہ وآلہ وسلَّم نے ارشادفرمایا:''ابن آدم کہتا ہے:'' میرامال میرامال۔'' پھرفرمایاکہ اللہ عزوجل فرماتا: ''اے ابن آدم! تیرا مال تو وہی ہے جو تونے کھاکرختم کردیا،یاجوپہن کربوسیدہ کردیا یا وہ جوصدقہ کرکے آخرت کے لئے بھیج دیا۔''

(المرجع السابق،الحدیث:۷۴۲۰،ص۱۱۹۱)