Brailvi Books

نفسِ مومن دنیا سے مطمئن کیوں؟

    دنیامیں بندہ مؤمن کادل اس وقت تک خوش اورمطمئن رہتا ہے جب تک اس کی نظر اپنے سے نچلے لوگوں (کے مال ودولت)پرہوتی ہے اور جب اپنے سے اوپر والوں کو دیکھتاہے تو اس کی زندگی اَجیرن اور بدمزہ ہو جاتی ہے اور اس کے ایمان کی سلامتی خطرے میں پڑجاتی ہے ۔چنانچہ،

    حضرت سیدناابوہریرہ رضی اللہ تعالیٰ عنہ روایت کرتے ہیں کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر صلَّی اللہ تعالیٰ علیہ وآلہ وسلَّم کافرمانِ ذیشان ہے: ''(دنیا کے معاملے میں)اپنے سے نیچے والوں کو دیکھو اور اپنے سے اوپر والوں کو مت دیکھو،یہ تمہارے لئے بہترین نصیحت ہے تاکہ تم اللہ عزوجل کی نعمتیں نہ کھو بیٹھو۔''

(صحیح مسلم،کتاب الزھد،باب الدنیاسجن......الخ،الحدیث:۷۴۳۰،ص۱۱۹۱)