Brailvi Books

    دنیاسے کنارہ کشی اختیارکرنے والوں میں سے ایک حضرت سیدنا ابو ہاشم بن عتبہ بن ربیعہ رضی اللہ تعالیٰ عنہ ہیں۔چنانچہ،

     حضرت سیدناابوہاشم بن عتبہ رضی اللہ تعالیٰ عنہ بیمارتھے کہ حضرت سیدناامیر معاویہ رضی اللہ تعالیٰ عنہ ان کی بیمار پرسی کے لئے آئے توآپ رضی اللہ تعالیٰ عنہ کو روتے ہوئے پایا، حضرت سیدنا امیرمعاویہ رضی اللہ تعالیٰ عنہ نے دریافت فرمایا:'' اے ماموں جان !آپ کیوں روتے ہیں ؟کیا درد نے آپ کو پریشان کر رکھا ہے یا دنیا کی حرص ہے ۔''آپ رضی اللہ تعالیٰ عنہ نے کہا :''ہرگز نہیں بلکہ حضورنبی کریم ،رء وف رحیم صلَّی اللہ تعالیٰ علیہ وآلہ وسلَّم نے ہم سے ایک عہد لیا تھا جسے ہم نے پورا نہ کیا۔'' حضرت سیدنا معاویہ رضی اللہ تعالیٰ عنہ نے فرمایا :''وہ کون سا عہد تھا؟'' آپ رضی اللہ تعالیٰ عنہ نے کہا :''میں نے حضور نبی رحمت ،شفیع امت صلَّی اللہ تعالیٰ علیہ وآلہ وسلَّم کو فرماتے ہوئے سنا کہ ''مال جمع کرنے کے مقابلے میں ''ایک خادم ''اور راہِ خداعزوجل میں سفر کے لئے ''ایک سواری ''کافی ہے ۔'' (پھرآپ رضی اللہ تعالیٰ عنہ نے فرمایا)اور آج میں اپنے پاس مال جمع پاتاہوں ۔''