Brailvi Books

    حضرت سیدتنا فاطمہ رضی اللہ تعالیٰ عنہا سے مروی ہے کہ ایک دن حضورنبی پاک، صاحبِ لَولاک، سیّاحِ افلاک صلَّی اللہ تعالیٰ علیہ وآلہ وسلَّم اِن کے ہاں تشریف لائے اور ارشاد فرمایا:''میرے دونوں بیٹے یعنی حضرات حسن وحسین رضی اللہ تعالیٰ عنہماکہاں ہیں ؟'' حضرت فاطمہ رضی اللہ تعالیٰ عنہا نے عرض کی:'' آج جب ہم نے صبح کی توہمارے گھر میں کھانے کے لئے کوئی چیز نہیں تھی توحضرت علی رضی اللہ تعالیٰ عنہ نے مجھ سے فرمایا کہ'' میں ان دونوں کو کہیں لے جاتا ہوں ،مجھے ڈر ہے کہ یہ تیرے پاس (بھوک کی وجہ سے )روئیں گے اورتمہارے پاس انہیں کھلانے کو کچھ نہیں۔'' پس وہ فلاں یہودی کی طرف گئے ہیں ۔''

    توحضورصلَّی اللہ تعالیٰ علیہ وآلہ وسلَّم بھی اُدھرتشریف لے گئے ،آپ صلَّی اللہ تعالیٰ علیہ وآلہ وسلَّم وہاں پہنچے تودیکھا کہ دونوں شہزادے حوض میں کھیل رہے ہیں اور کچھ بچی ہوئی کھجوریں ان کے سامنے پڑی ہیں، آپ صلَّی اللہ تعالیٰ علیہ وآلہ وسلَّم نے فرمایا:''اے علی ! کیا میرے بیٹوں کو گرمی کی شدت سے پہلے پہلے گھر نہیں لے جاؤگے ؟''حضرت علی المرتضٰی