دنیا کے کاموں میں مشغول رہنے کے باوجود تیراآخرت کے لئے فکرکرنا اور اس کاشعور رکھنا ،تیرے دل سے دنیا کی محبت کو نکال دے گا۔اور اسی کوزُہدحقیقی کہتے ہیں اور یہ ہمیشہ ہمیشہ کے لئے تجھے اللہ تعالیٰ کے قریب کردے گا ۔
حضرت سیدنا ابو ذر رضی اللہ تعالیٰ عنہ سے روایت ہے کہ مَحبوبِ ربُّ العٰلَمین،جنابِ صادق وامین عزوجل وصلَّی اللہ تعالیٰ علیہ وآلہ وسلَّم کافرمانِ رحمت نشان ہے :''دنیا سے بے رغبتی مال کو ضائع کردینے اور حلال کو حرام کردینے کا نام نہیں،بلکہ دنیاسے کنارہ کشی تویہ ہے کہ جوکچھ تیرے ہاتھ میں ہے وہ اس سے زیادہ قابل اعتمادنہ ہوجوکچھ اللہ عزوجل کے پاس ہے ۔''