ترجمہ:(۱)مجھے اپنے رب جلیل عزوجل سے مناجات کرنے دوجبکہ رات نے مجھ پرپردے (اندھیرے )ڈال دئیے ہیں۔
(۲)یاالٰہی عزوجل !میں تواضع کرنے والے دل سے تیری طر ف دیکھ رہاہوں تاکہ اس کے ذریعے قبولیت کی اُمّیدکروں۔
(۳)سب خوبیاں،بزرگی اور کبریائی تیرے ہی لئے ہيں اورتُوایسا معبود ہے جو کبھی فنانہیں ہوگا ۔
(۴)تُوہی وہ معبود ہے جوہمیشہ(ہروقت) حمید،کریم ،عظیم اورجلیل ہے ۔
(۵)تُو ہی لوگوں کو مارتاہے اور (بروزِقیامت)ہڈیوں کو زندہ فرمائے گا اورساری مخلوق کوگروہ درگروہ اٹھائے گا ۔
(۶)تُوعظیم جلال والا،کریم افعال والا، بڑی عطاوالااورہرسوال کوپوراکرنے والا ہے۔
(۷)تُودلوں میں محبت ڈالتا ، گناہوں کومٹاتا،عیبوں کو چھپاتا،اورجہالتوں کودورفرماتا ہے ۔
(۸)اورتُوبڑا انعام عطافرمانے والا، خوبی کا مالک بنانے والااو ران (انعام یافتہ بندوں ) سے چھوٹی سی نیکی بھی قبول فرمالیتا ہے۔
(۹)تیری عنایت کے خزانے ختم نہیں ہوتے ،توسخی و بخیل سب کوان (خزانوں)سے نوازتاہے ۔