Brailvi Books
 |
آنسوؤں کا دریا |
65 - 303
دِلا غافل نہ ہویکدم یہ دنیاچھوڑجاناہے باغیچے چھوڑکر خالی زمیں اندر سمانا ہے ترانازک بدن بھائی جولیٹے سیج پھولوں پر یہ ہوگاایک دن بے جاں اسے کیڑوں نے کھاناہے تواپنی موت کو مت بھول کرسامان چلنے کا زمیں کی خاک پرسوناہے اینٹوں کاسرہاناہے نہ بیلی ہوسکے بھائی نہ بیٹاباپ تے مائی توکیوں پھرتاہے سودائی عمل نے کام آناہے کہاں ہے زورِنمرودی کہاں ہے تختِ فرعونی گئے سب چھوڑیہ فانی اگرنادان داناہے عزیزایادکرجس دن کہ عزرائیل آئیں گے نہ جاوے کوئی تیرے سنگ اکیلاتونے جاناہے جہاں کے شغل میں شاغل خداکے ذکرسے غافل کرے دعوی کہ یہ دنیامیرادائم ٹھکانا ہے غلام اک دم نہ کرغفلت حیاتی پرنہ ہوغرّہ خداکی یادکرہردم کہ جس نے کام آناہے
حساب ِ دنیا:
حضورِ پاک ،صاحب ِلولاک،سیّاحِ افلاک صلی اللہ تعالیٰ علیہ وآلہ وسلم کا فرمانِ عالی شان ہے کہ'' قیامت کے دن مال حلال جمع کرنے والے اور اسے حلال جگہ خرچ کرنے والے ایک شخص کو لایاجائے گا پھر اس سے کہا جائے گا کہ'' حساب کے لئے کھڑے رہو۔'' پھر اس سے ہر دانے ،ذرے اور ہر ہر دانق (درہم کے چھٹے حصے)کا حساب لیاجائے گا کہ اس نے اسے کہا ں سے حاصل کیا اور کہاں خرچ کیا ۔''
پھر سیِّدُالمبلغین،رَحْمۃٌلّلعالَمِین صلی اللہ تعالیٰ علیہ وآلہ وسلم نے فرمایا :''اے ابنِ ِآدم ! تو ایسی دنیا کا کیا کریگا جس کے حلال کا حساب دینا پڑے گا اور حرام کی سزا بھگتنا پڑے گی ۔''(کنزالعمال ، کتاب الاخلاق ،قسم الاقوال ، رقم ۶۳۲۵،ج۳ ، ص ۹۷)