Brailvi Books

     حضرتِ سیِّدُنا ابو بکرصیدلانی رحمۃ اللہ تعالیٰ علیہ کہتے ہیں کہ میں نے حضرت سیدنا سلیمان بن منصور بن عمارعلیہ ر حمۃ اللہ الغَفَّار کو فرماتے ہوئے سنا کہ میں نے خواب میں اپنے والد کو دیکھا تو پوچھا:'' مَافَعَلَ بِکَ رَبُّکَ یعنی آپ کے رب عزوجل نے آپ کے ساتھ کیا معاملہ کیا ؟''انہوں نے جواب دیاکہ رب عزوجل نے مجھے اپنا قرب عطا فرمایا پھر مجھ سے پوچھا :''اے بدکاربڈھے !کیا تو جانتا ہے کہ میں نے تجھے کیوں بخشا ؟ '' میں نے عرض کی''میں نہیں جانتا۔'' فرمایا:'' ایک دن تو نے ایک اجتماع میں لوگو ں کو رُلایا تھا ان میں میرا ایک ایسا بندہ بھی روپڑاتھا جو میرے خوف سے کبھی نہیں رویا تو میں نے اس کی مغفرت فرمادی اور اس کے صدقے تمام اہلِ مجلس کی مغفرت فرمادی تم بھی ان میں شامل تھے جن کی میں نے اس کے صدقے مغفرت فرمائی۔''

(اللہ عزوجل کی اُن پر رحمت ہو..ا ور.. اُن کے صدقے ہماری مغفرت ہو۔آمین بجاہ النبی الامین صلي اللہ عليہ وسلم)