Brailvi Books
 |
آنسوؤں کا دریا |
289 - 303
نبی کریم،رؤف رحیم صلی اللہ تعالیٰ علیہ وآلہ وسلم کو دیکھا تو رُک گئے اس پر اللہ کے محبوب، دانائے غیوب، منزّہٌ عنِ العُیُوب عزوجل و صلی اللہ تعالیٰ علیہ وآلہ وسلم نے فرمایا:'' اس نے تمہیں اللہ عزوجل کا واسطہ دیا تو تم نے اسے معاف نہ کیا تو مجھے دیکھ کر کیوں رُک گئے؟'' صحابی نے عرض کیا: ''یارسول اللہ صلی اللہ تعالیٰ علیہ وآلہ وسلم میں آپ صلی اللہ تعالیٰ علیہ وسلم کو گواہ بناتا ہوں کہ یہ اللہ عزوجل کے لئے آزاد ہے۔'' تونور کے پیکر،تمام نبیوں کے سرور،دوجہاں کے تاجور صلی اللہ تعالیٰ علیہ وآلہ وسلم نے اس سے فرمایا :''اگر تم ایسا نہ کرتے تو جہنم تمہارا چہرہ جلادیتی۔''
(رواہ مسلم ،کتاب الایمان ،باب صحبۃالممالیک ،الحدیث ۱۶۵۹،ص۹۰۵ بنحوہ)
بہت زیادہ قسمیں اٹھا نے کی وجہ سے اللہ عزوجل کی ناراضگی کاسامنا کرنے سے بچو، کیونکہ اللہ عزوجل فرماتا ہے :
وَ لَا تَجْعَلُوا اللہَ عُرْضَۃً لِّاَیۡمَانِکُمْ