Brailvi Books

آنسوؤں کا دریا

243 - 303

فاسق کا فسق ظاہر ہو اس کی پردہ پوشی نہ کرو اور نہ ہی اس کی جواعلانیہ گناہ کرتاہو اور اپنا گناہ چھپاتا نہ ہو ۔''

پردہ پوشی کا انعام:

    سرکارِ مدینہ قرارِقلب وسینہ ،صاحبِ معطر پسینہ، باعثِ نزول ِسکینہ ،فیضِ گنجینہ،شہنشاہ ِمدینہ صلی اللہ تعالیٰ علیہ وآلہ وسلم کا فرمانِ عالی شان ہے :'' جو شخص اپنے کسی بھائی کے پوشیدہ معاملے پر اطلاع پائے پھر اس کی پردہ پوشی کرے تو اللہ عزوجل اسے جنت میں داخل فرمادے گا ۔ ''

(مجمع البحرین ، کتاب الحدو د ، باب الستر علی المسلمین ،رقم ۲۴۰۲،ج ۲ ،ص۳۶۵ ،وفیہ مؤمن)

پریشانی دور ہونے کا سبب:

    نبئ کریم، رؤف رحیم صلی اللہ تعالیٰ علیہ وآلہ وسلم نے فرمایا :'' جو کسی مسلمان سے بیچی ہوئی چیز واپس لے لے اللہ عزوجل قیامت کے دن اس کی پر یشانی دور فرمادے گا ۔''

(صحیح ابن حبان ، کتاب البیوع ، باب الاقالۃ ، رقم۵۰۰۸،ج۷ ، ص ۲۴۳)

شرابی نوجوان کی توبہ :

     امام اعظم ابو حنیفہ رحمۃ اللہ تعالیٰ علیہ کے پڑو س میں ایک شرابی نوجوان رہتا تھا۔ امام اعظم رحمۃ اللہ تعالیٰ علیہ رات میں کتب کا مطالعہ کرنے کے لئے شب بیداری فرماتے تھے۔ آپ رحمۃ اللہ تعالیٰ علیہ اوراس شرابی کے درمیان ایک دیوارحائل تھی وہ نوجوان شراب پیتا اور یہ شعر پڑھا کرتا:

سَأُنْشِدُھُمْ اِذَا مَاھُمْ جَفَوْنِیْ		اَضَاعُوْنِیْ وَاَیَّ فَتًی اَضَاعُوْا