Brailvi Books

    سرکارِ مدینہ، قرارِقلب وسینہ ،صاحبِ معطر پسینہ، باعثِ نزول ِسکینہ ،فیض گنجینہ ، شہنشاہ ِمدینہ صلی اللہ تعالیٰ علیہ وآلہ وسلم کا فرمانِ عبرت نشان ہے :'' اپنے بندے یا بندی کو زنا کرتے دیکھ کر اللہ عزوجل کوسب سے زیادہ غیرت آتی ہے ۔خدا عزوجل کی قسم ! اگر تم وہ باتیں جان لو جنہیں میں جانتاہوں تو کم ہنسو اور زیادہ روؤگے ،سن لو ! کہ جہنم میں آگ کے تابوت میں کچھ لوگ قید ہوں گے کہ جب وہ راحت مانگیں گے تو ان کے لئے تابوت کھول دئیے جائیں گے اور جب ان کے شعلے جہنمیوں تک پہنچیں گے تو وہ بیک زبان فریاد کرتے ہوئے کہیں گے:''یا اللہ عزوجل! ان تابوت والوں پر لعنت فرما یہ وہ لوگ ہیں جو عورتوں کی شرمگاہوں پر حرام طریقے سے قبضہ کرتے تھے۔''