اے زادِ راہ کے بغیر سفر اختیار کر نے والے ! منزل بہت دور ہے جبکہ تیری آنکھ خشک اور دل لوہے سے زیادہ سخت ہے ،۔۔۔۔۔۔جب تو ہر نئے آنے والے دن میں گناہوں کے سمندر میں غرق رہتا ہے تو مصیبت کاتجھ سے زیادہ حقدار کون ہو گا؟،۔۔۔۔۔۔ افسوس !جوانی تجھے بیدار نہ کرسکی اورنہ ہی بڑھاپا تجھے خوفزدہ کرسکا ،۔۔۔۔۔۔حد تو یہ ہے کہ تیرے بالوں کی سفیدی بھی تجھے گناہوں سے باز نہ رکھ سکی۔۔۔۔۔۔ مجھے تیری کامیابی بہت مشکل نظر آرہی ہے،۔۔۔۔۔۔ فکر آخرت کرنے والوں کو دیکھ کہ وہ کہاں پہنچ گئے ؟ ۔۔۔۔۔۔ وہ آرام دہ بستر کو لپیٹ کر گریہ و زاری اورآخرت کی تیا ری میں لگ گئے ، ۔۔۔۔۔۔ ان کے رخسارو ں پر بہنے والے آنسوؤں نے نشانات ڈال دئیے ہیں۔۔۔۔۔۔اے کم ہمت! اے دھتکارے ہوئے! تیرا شمار محبت کرنے والوں اور عشاق میں کیوں نہیں ہوا ۔
چنداشعار
