Brailvi Books

    حضرتِ سیِّدُنا ذوالنون مصری علیہ رحمۃ اللہ القوی فرماتے ہیں کہ'' ایک مرتبہ دوران سفر مجھے شدید پیاس لگی تو میں پانی کی تلاش میں ساحل کی طر ف چل دیا۔ اچانک میں نے ایک شخص کو دیکھا جس نے حیا اور نیکو کاری کی چادر کو اپنا لباس بنارکھاتھااور گر یہ وزاری اور آہ و فغا ں کی قمیص زیب تن کر رکھی تھی۔ وہ ساحل ِسمندر پر کھڑا نماز ادا کررہاتھا۔ جب اس نے سلام پھیرا تو میں اس کے قریب گیا اور اسے سلام کیا تو اس نے کہا کہ'' اے ذوالنون ! تم پر بھی سلامتی ہو ۔'' میں نے پوچھاکہ'' اللہ عزوجل آپ پر رحم فرمائے ، آپ نے مجھے کیسے پہچانا ؟'' اس نے جواب دیا کہ'' میرے دل سے نورِ معرفت کی شعا ع تمہارے دل کے نورِ محبت کی سطح پر ظاہر ہوئی تو میری روح نے اسرارکے حقائق کے ذریعے تمہاری رو ح کو پہچا ن لیا اور میرا با طن اللہ عزیز وجبار عزوجل کی محبت میں تمہارے با طن سے الفت کرنے لگا ۔''