Brailvi Books

    حضرتِ سیِّدُنا شبلی علیہ رحمۃ اللہ القوی فرماتے ہیں کہ ''میں نے مکۃ المکرمہ میں ایک اَعرابی(یعنی عرب کے دیہاتی) کو صوفیاء کی خدمت کرتے ہوئے دیکھا ۔میں نے اس کا سبب پوچھا تو اس نے مجھے بتایا: ''میں ویرانے سے گزر رہا تھا کہ میں نے ایک غلام کودیکھا جو ننگے پاؤں،بر ہنہ سرتھا۔ اسکے پاس تو شہ ، مشکیزہ اور عصاوغیرہ کچھ نہ تھا۔ میں نے اپنے دل میں کہا کہ'' میں اس سے ملتا ہوں اگر یہ بھوکا ہوگا تو اسے کھانا کھلاؤں گا اور اگر پیا سا ہوگا تو پانی پلاؤں گا۔'' چنانچہ میں اس کے پیچھے پیچھے چل دیا یہاں تک کہ ہم دونوں کے درمیان ایک ہاتھ کافاصلہ رہ گیا۔مگر اچانک وہ مجھ سے دور ہونا شروع ہوگیا حتی کہ میری نظروں سے اوجھل ہوگیا ۔