آخر قتلِ امامِ مظلوم رضی اللہ تعالیٰ عنہ ہی پر رائے قرارپائی ،بے دین نے
اَلدِّیْنُ مَزْرَعَۃُ الدُّنْیَا
امامِ مظلوم رضی اللہ تعالیٰ عنہ پر پانی بندہونا
عمرو بن سعد نے فرات کے گھاٹوں پر پانسو سواربھیج کر ،ساقی کوثر صلی اللہ تعالیٰ علیہ واٰلہٖ وسلم کے بیٹےرضی اللہ تعالیٰ عنہ پر پانی بند کیا۔ایک رات امام رضی اللہ تعالیٰ عنہ نے بُلا بھیجا، دونوں لشکروں کے بیچ میں حاضر آیا ۔دیر تک باتیں رہیں ،امام رضی اللہ تعالیٰ عنہ نے سمجھایا کہ'' اہلِ باطل کا ساتھ چھوڑ۔'' کہا'' میراگھرڈھایا جائے گا ۔'' فرمایا :''اس سے بہتر بنوادوں گا ۔'' کہا ''میری جائیدادچھن جائے گی ۔'' ارشاد ہوا: ''اس سے اچھی عطا فرماؤں گا ۔ ''
ابن سعدکاابن زیاد کو مصلحت آمیز خط اور شمر کا امام کے خلاف ورغلانا
تین چارراتیں یہی باتیں رہیں ،جن کااثر اس قدر ہوا کہ ابن سعدنے ایک صلح آمیز خط ابن زیا د کو لکھاکہ'' حسین رضی اللہ تعالیٰ عنہ چاہتے ہیں یاتومجھے واپس جانے دو
