Brailvi Books

اچھے ماحول کی برکتیں

41 - 50

 آپ رحمۃاللہ تعالیٰ علیہ نے فرمایا: نہیں(پھر) دونوں نے کہا: ہم آپ کوکتاب اللہ کی ایک آیت سنائیں؟ آپ رحمۃاللہ تعالیٰ علیہ نے فرمایا: نہیں پھر آپ رحمۃاللہ تعالیٰ علیہ نے فرمایا: تم دونوں مجھ سے دور ہوتے ہو یا میں (خود) اٹھ جاؤں حضرت ابن عبید رحمۃاللہ تعالیٰ علیہ نے کہا ( یہ سُن کر) وہ دونوں چلے گئے تو کسی شخص نے کہا: اے ابوبکر! (یہ ابن سیرین رحمۃاللہ تعالیٰ علیہ کی کنیت تھی) آپ پر کیا حرج تھا کہ وہ آپ کو اللہ تعالیٰ کی کتاب سے ایک آیت سنادیتے، آپ نے فرمایا:( میں اس بات سے ڈرا کہ) وہ مجھے ایک آیت سناتے پھر اسے بدل ڈالتے (یعنی معنوی تحریف کردیتے اور وہ میرے دل میں ٹھہر جاتی )۔

   (سنن الدارمی،المقدمۃ،باب اجتناب اہل الاہواء...الخ،الحدیث۳۹۷،ج۱،ص۱۲۰)

(۱۹)حضرت ابن عمررضی اللہ تعالیٰ عنہماسے روایت ہے کہ ایک شخص ان کے پاس آیااورکہاکہ فلاںآپ کوسلام بھیجتاہے (یہ سن کر)آپ نے فرمایا:مجھے خبرپہنچی ہے کہ اس نے دین میں نئی بات پیداکی ہے یعنی بدعت سیئہ کامرتکب ہواہے پس اگراس نے (دین میں نئی بات)پیداکی تواسے سلام نہ پہنچانا۔