Brailvi Books
 |
آئینہ عبرت |
87 - 133
مشائخ نے اس رات میں یہ خواب دیکھا کہ جنت میں خوب زینت کی جارہی ہے اور ہرطرف نور ہی نور پھیلا ہوا ہے۔ تو مشائخ نے خواب ہی میں پوچھا کہ یہ کون سی رات ہے تو آواز آئی کہ اس رات میں حضرت داؤد طائی رحمۃاللہ تعالیٰ علیہ کی وفات ہوگئی ہے۔ ہر طرف فرشتوں کا ہجوم ، یہ آرائش اور چہل پہل ان کی روح کی آمد آمد کے لیے ہے۔(1)
(احیاء العلوم ج۴ص۴۳۳)( ۱۷) حضرت عبداللہ بن مبارک رحمۃاللہ تعالیٰ علیہ
یہ حضرت امام اعظم ابوحنیفہ رحمۃاللہ تعالیٰ علیہ کے بڑے محب اور محبوب شاگرد اور رئیس الفقہاء استاذ المحدثین ہیں۔ علامہ ابن راشد کہتے ہیں کہ مجھے حضرت عبداللہ بن مبارک رحمۃاللہ تعالیٰ علیہ کا خواب میں دیدار ہوا تو میں نے کہا کہ آپ رحمۃاللہ تعالیٰ علیہ تو وفات پاگئے ہیں ؟ تو انہوں نے فرمایا کہ ہاں۔ پھر میں نے عرض کیا کہ آپ رحمۃاللہ تعالیٰ علیہ کے ساتھ کیا معاملہ گزرا؟ تو فرمایا کہ میری مغفرت ہوگئی ۔پھر میں نے حضرت سفیان ثوری رحمۃاللہ تعالیٰ علیہ کا حال دریافت کیا تو انہوں نے فرمایا کہ واہ واہ !
مَعَ الَّذِیۡنَ اَنْعَمَ اللہُ عَلَیۡہِمۡ مِّنَ النَّبِیّٖنَ وَالصِّدِّیۡقِیۡنَ وَالشُّہَدَآءِ وَالصّٰلِحِیۡنَ ۚ وَحَسُنَ اُولٰٓئِکَ رَفِیۡقًا ﴿ؕ۶۹﴾ ـ2ـ