جریری محدث کا بیان ہے کہ میں حضرت جنید بغدادی رحمۃاللہ تعالیٰ علیہ کی جانکنی کے وقت جب کہ وہ سکرات کے عالم میں تھے حاضر ہوا تو وہ تلاوت کررہے تھے۔ جمعہ کا دن تھا، جب وہ تلاوت ختم کرچکے تو میں نے عرض کی کہ اس وقت میں بھی آپ رحمۃاللہ تعالیٰ علیہ تلاوت کررہے ہیں؟ تو انہوں نے فرمایا کہ مجھ سے زیادہ تلاوت کا حقدار دوسرا کون ہوگا؟ دیکھ نہیں رہے ہو؟ کہ میری زندگی کا نامہ اعمال لپیٹا جارہا ہے۔پھر کسی نے آپ رحمۃاللہ تعالیٰ علیہ سے کلمہ پڑھنے کے لیے کہا تو تڑپ کر آپ رحمۃاللہ تعالیٰ علیہ نے فرمایا کہ میں اس کلمہ کو تو زندگی میں کبھی بھولا ہی نہیں ہوں جو تم مجھے اس وقت یاددلارہے ہو۔
