Brailvi Books

یقینا جو موت اور اس کے بعد والے مُعامَلات سے آگاہ ہے وہ دنیا کی رنگینیوں اوراس کی آسائشوں کے دھوکے میں نہیں پڑسکتا۔بہرحال حقیقت یہ ہے کہ اس دنیا میں آکر ہم سخت آزمائش میں مبتلا ہوگئے ۔ ہماری آمد کا مقصد کچھ اور تھا مگر شاید ہم کچھ اور سمجھ بیٹھے۔ ہمارا انداز زندگی یہ بتا رہا ہے کہ معاذ اللہ گویا ہمیں کبھی مرنا ہی نہیں کیونکہ اگر موت ہمارے پیش نظر ہوتی تو ہم ہرگز غفلت میں نہ ہوتے۔ حدیث پاک میں ہے: ''لذتوں کو ختم کرنے والی (یعنی موت)کو کثرت سے یاد کرو۔''

( سنن الترمذی،کتاب الزہد،الحدیث۲۳۱۴،ج۴،ص۱۳۸)

 ظاہر ہے جب انسان ہر وقت اس تصور کو اپنے ذہن میں رکھے گا کہ ''مجھے ایک دن اس دنیا سے خالی ہاتھ جانا ہے'' تو اس کی امیدیں بھی کم ہوں گی، حرص و طمع بھی نہیں ہوگی، الغرض وہ دنیا کی رنگینیوں میں منہمک رہنے