Brailvi Books

خلیفہ اعلیٰ حضرت، فقیہِ اعظم، مولیٰنا ابو یوسف محمد شریف کوٹلوی علیہ رحمۃ اللہ القوی نَقْل فرماتے ہیں،'' اللہ تعالیٰ نے تین چیزوں کو تین چیزوں میں پوشیدہ رکھا ہے (۱)اپنی رِضا کو اپنی اطاعت میں اور(۲)اپنی ناراضگی کو نافرمانی میں اور(۳)اپنے اولیا کو اپنے بندوں میں پوشیدہ رکھا ہے۔''لہٰذا ہر اطاعت اور ہر نیکی کو عمل میں لانا چاہئے کہ معلوم نہیں کس نیکی پر وہ راضی ہو جائے اورہر چھوٹی سے چھوٹی بدی سے بچنا چاہئے ، کیونکہ پتا نہیں کہ وہ کس بدی پر ناراض ہو جائے مَثَلاً کسی کی لکڑی کا خِلال کرنا ایک معمولی سی بات ہے یا کسی ہمسایہ کی مٹّی سے اس کی اجازت کے بِغیر ہاتھ دھونا گویا ایک چھوٹی سی بات ہے مگر چُونکہ ہمیں معلوم نہیں۔ اس لئے ممکِن ہے کہ اس برائی میں حق تعالیٰ کی ناراضگی مَخفی ہو تو ایسی