Brailvi Books

عنہم کی اَرواحِ مقدّسہ کے لئے ہی خاص ایصالِ ثواب کرتا تھا اور اُمَّہاتُ الْمُؤمِنِین رضی اللہ تعالیٰ عنہن کا نام شامل نہ کرتا تھا۔ ایک رات خواب میں دیکھا کہ جنابِ رسالت مآب ، محبوبِ خدائے تَوّاب عَزَّوَجَلَّ و صلی اللہ تعالیٰ علیہ واٰلہٖ وسلم تشریف فرما ہیں ۔ میں نے آپ صلَّی اللہ تعالیٰ علیہ واٰلہٖ وسلَّم کی خدمتِ بابَرَکت میں سلام عرض کیاتو آپ صلَّی اللہ تعالیٰ علیہ واٰلہٖ وسلَّم میری جانب مُتَوَجِّہ نہ ہوئے اور چہرہ  انور دوسری جانِب پھیر لیا اورمجھ سے فرمایا،''میں عائِشہ (صِدّیقہ)کے گھر کھانا کھاتا ہوں ،جس کسی نے مجھے کھانا بھیجنا ہو وہ (حضرت)عائِشہ کے گھر بھیجا کرے۔ ''اِس وقت مجھے معلوم ہوا کہ آپ صلَّی اللہ تعالیٰ علیہ واٰلہٖ وسلَّم کے توجُّہ نہ فرمانے کا سبب یہ تھا کہ میں اُمُّ الْمُؤمِنِین حضرتِ سَیِّدََتُنا عائِشہ صِدّیقہ رضی اللہ تعالیٰ عنہا کو شریکِ طَعام (یعنی ایصالِ ثواب)نہ کرتا تھا۔ اس کے بعدسے میں حضرتِ سَیِّدََ تُنا عائِشہ صِدّیقہ رضی اللہ تعالیٰ عنہا بلکہ تمام اُمّہاتُ الْمُؤمِنِین رضی اللہ تعالیٰ عنہُن کو بلکہ سب اہلِ بَیت کو شریک کیا کرتا ہوں اور تمام اہلِ بَیت کو اپنے لئے وسیلہ بناتا ہوں ۔