Brailvi Books
 |
آدابِ طعام |
376 - 642
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)جس کے پاس میرا ذکر ہو اور وہ مجھ پر دُرُود شریف نہ پڑھے تو لوگوں میں وہ کنجوس ترین شخص ہے۔
مُباح کب عبادت بنتا ہے؟
میٹھے میٹھے اسلامی بھائیو!مُباح(یعنی ایسا عمل جس پر ثواب ملے نہ گناہ)میں اگر اچھّی نیّت شامِل کر لی جائے تو وہ کارِ ثواب بن جاتا ہے اب جس قَدَر اچّھی نیّتیں زیادہ ہوں گی اُسی قَدَر ثواب میں بھی اضافہ ہوتاچلا جائیگا مگر اُس اچّھی نیّت کا تعلُّق عملِ آخِرت سے ہونا ضَروری ہے۔ فِقْہْ کی مشہور کتاب اَلْاَشباہُ وَ النَّظائِر میں ہے ، ''مُباحات کا مُعامَلہ نِیّات کے اِعتبار سے مختلف ہوتا ہے اگر ان سے طاعات پر تَقَوّیٰ(یعنی عبادات پر قُوّت حاصِل کرنا )یا ان تک پہنچنا مقصود ہو تو پھر یہ (مُباح بھی)عبادت ہے۔
(اَلْاَشباہُ وَ النّظائر ج ۱ ص ۲۸ بابُ المدینہ کراتشی)