Brailvi Books

کی کوشِش کی تھی کہ دیکھو یہ کیاکرتا ہے مگر وہ عامِل اپنے فن میں کامل نکلا اور اُس نے اسمائے مبارَکہ پڑھ کر ایسا دم کیا کہ اس بے چارے جِنّ کوجان کے لالے پڑگئے لہٰذا کسی کو کمزور سمجھ کر چھیڑنا نہیں چاہیے نیز پتا چلا کہ گناہوں کی نُحُوست کے سبب دنیا میں بھی بلائیں اور آفتیں آسکتی ہیں جیسا کہ اُس آسَیب زدہ مکان میں آنے والے شرابیوں اور بدکاروں کو جِنّات گلا گُھونٹ کرمار دیتے تھے اِس سے گھروں میں فلمیں ڈرامے دیکھنے والوں اور طرح طرح کے گناھوں میں مشغول رہنے والوں کو عبرت حاصِل کرنی چاہئے کہ کہیں دُنیا میں بھی گناھوں کی پاداش میں کوئی جِن مسلَّط نہ ہو جائے ! نیز یہ بھی معلوم ہوا کہ عبادت و تِلاوت سے بلائیں ٹلتی ہیں۔ جیسا کہ اُس پُراَسرار مکان کے جِنّ نے نَمازی و تِلاو ت کرنے والے مسلمان کی شاگردی اختیار کر لی۔ لہٰذااپنے گھرکو نَمازوں، تِلاوتوں اور نعتوں سے آباد رکھئے اور فلموں ڈِراموں ،گانے باجوں کی نُحُوستوں سے دور رہئے۔