Brailvi Books

قوم جِنّ کے وَفد جو حُضُورِ اکرم، نُورِ مُجَسَّم ، شاہِ بنی آدم ، رسولِ مُحتَشَم صلَّی اللہ تعالیٰ علیہ واٰلہٖ وسلَّم کی بارگاہِ محترم میں حاضِر ہوئے اور اپنے لئے اور اپنے جانوروں کے لئے خوراک طلب کی۔ اُن سے ارشاد ہوا، تمہارے لیے ہڈّی ہے جس پر اللہ عَزَّوَجَلَّ کا نامِ پاک لیا جائے یعنی حلال مُزَکّٰی(پاک)جانور کی ہڈّی ہو وہ تمہارے ہاتھ میں اُس حال پر ہو گی جیسی اُس وقت تھی جب اُس پر گوشت پورا اور کامل تھا (یعنی گوشت چُھڑائی ہوئی ہڈّی تمہیں مَع گوشت ملے گی )اور ہر مینگنی تمہارے چوپایوں کے لیے چارا ہے۔ اور پھر انسانوں سے ارشاد فرمایا، ہڈّی اور مینگنی سے اِستِنجاء نہ کرو کہ وہ تمہارے بھائیوں(مسلمان جِنّات)کی خوراک ہے۔