Brailvi Books

اُنگلیاں تین مرتبہ چاٹنا سنّت ہے

ميٹھے ميٹھے اِسلامی بھائیو!اُنگلیاں تین تین بار چاٹنا سنّت ہے اگر تین بار کے باوُجُود انگلیوں پر غذا چپکی ہوئی نظر آئے تو زیادہ بار چاٹ لیجئے یہاں تک کہ غذا کاا ثر نظر نہ آئے ۔ شمائلِ ترمذی میں ہے، ''سلطانِ دوجہاں، شَہَنشاہِ کون و مکان صلَّی اللہ تعالیٰ علیہ واٰلہٖ وسلَّم (کھانے کے بعد)اپنی انگلیاں تین تین مرتبہ چاٹتے تھے۔''

                ( شمائلِ ترمذی ص ۶۱حدیث ۱۳۸)

برتن چاٹنا سنت ہے

سردارِ مکّہ مکرّمہ ،سلطانِ مدینہ منوّرہ صلَّی اللہ تعالیٰ علیہ واٰلہٖ وسلَّم کافرمانِ بَرَکت نشان ہے،''جو رِکابی اور اپنی اُنگلیوں کو چاٹ لیتا ہے اللہ عَزَّوَجَلَّ اُ س کو دُنیا وآخِرت ميں آسُودہ (سَیر)رکھتا ہے۔''

            (طبرانی کبیر ج۱۸ص۲۶۱حدیث ۶۵۳ )