ہر مہینے جو کوئی بارہ رسالے بانٹ دے
ان شاءَ اللہ دو جہاں میں اُس کا بیڑا پار ہےحضرتِ سَیِّدُنا عامِر بن رَبیعہ رضی اللہ تعالیٰ عنہ سے رِوایتَت ہے کہ نبیِّ پاک، صاحِبِ لَولاک، سَیاّحِ اَفلاک صلَّی اللہ تعالیٰ علیہ واٰلہٖ وسلَّم تین انگلیوں سے کھاناتناوُل فرماتے اور جب فارِغ ہوجاتے تو انہیں چاٹ لیا کرتے تھے۔
(مجمع الزوائد ج۵ص۲۳حدیث ۷۹۲۳)
نہ معلوم کھانے کے کس حصے میں برکت ہے
حضرت سیِّدُناجابِر رضی اللہ تعالیٰ عنہ فرماتے ہیں ، ''تاجدارِ مدینہ، قرارِ قلب و سینہ، فیض گنجینہ، صاحِبِ مُعَطّر پسینہ، باعِثِ نُزُولِ سکینہ، سلطانِ باقرینہ صلَّی اللہ تعالیٰ علیہ واٰلہٖ وسلَّم نے اُنگلیوں اور برتن کے چاٹنے کا حُکْم دیا اور فرمایا،'' تمہیں معلوم نہیں کہ کھانے کے کِس حِصّے میں بَرَکت ہے۔''
(صحیح مسلم ص۱۱۲۲الحدیث ۲۰۲۳)
