Brailvi Books

کھانے سے پہلے بِسْمِ اللہ نہ پڑھنے سے کھانے میں بے بَرَکتی ہوتی ہے ۔ حضرتِ سیدُنا اَبُو ایُّوب اَنْصاری رضی اللہ تعالیٰ عنہ فرماتے ہیں ،''ہم تاجدارِ رِسالت ، ماہِ نُبُوّت صلی اللہ تعالیٰ علیہ واٰلہٖ وسلم کی خدمتِ بَابَرَکت میں حاضِر تھے۔ کھانا پیش کیا گیا ، اِبْتِداء میں اِتنی بَرَکت ہم نے کِسی کھانے میں نہیں پائی، مگر آخِر میں بڑی بے بَرَکتی دیکھی۔ہم نے عرض کی ،''یارسولَ اللہ ! عَزَّوَجَلَّ وصلی اللہ تعالیٰ علیہ واٰلہٖ وسلَّم ایسا کیوں ہُوا ؟ '' اِرشاد فرمایا،''ہم سب نے کھانا کھاتے وَقْت بِسْمِ اللہ پڑھی تھی ۔ پھر ایک شخص بِغير بِسْمِ اللہ پڑھے کھانے کو بیٹھ گیا،اُس کے ساتھ شیطان نے کھانا کھالیا۔''