Brailvi Books

خلیفہ ثانی، امیرُالْمُؤمِنِین حضرتِ سیدُنا عُمر فاروقِ اعظم رضی اللہ تعالیٰ عنہ رِوایتت کرتے ہیں کہ سرکارِ مدینہ منوَّرہ،سردارِ مکّہ مکرَّمہ صلّی اللہ تعالیٰ علیہ واٰلہٖ وسلَّم کا فرمانِ بَرَکت نشان ہے، کہ اِکَٹّھے ہو کر کھاؤالگ الگ نہ کھاؤ کہ بَرَکت جماعت کیساتھ ہے۔

     (ابنِ مَاجَہ شریف ج۴ ص۲۱ حدیث ۳۲۸۷ )

سیر ہونے کا نسخہ

حضرتِ سیدُنا وَحشی بن حَرب رحمۃ اللہ تعالیٰ علیہ اپنے داداجان رضی اللہ تعالیٰ عنہ سے رِوایت کرتے ہیں کہ صَحابہ کرام رضی اللہ تعالیٰ عنہم نے بارگاہِ رِسَالت میں عرض کی،''یارسولَ اللہ ! عَزَّوَجَلَّ وصلّی اللہ تعالیٰ علیہ واٰلہٖ وسلَّم ہم کھانا تو کھاتے ہیں مگر سیر نہیں ہوتے؟''سرکارِ دو عالَم صلّی اللہ تعالیٰ علیہ واٰلہٖ وسلَّم نے فرمایا،''تُم الگ الگ کھاتے ہو گے؟ ' ' عَرض کی ، ''جی ہاں۔''فرمایا،''مِل بیٹھ کر کھانا کھایا کرو اور بسم اللہ پڑھ لیا کرو تمہارے لئے کھانے میں بَرَکت دی جائیگی۔

(ابوداو،د شریف ج۳ص۴۸۶ حدیث ۳۷۶۴)