Brailvi Books
 |
آدابِ مرشدِ کامل |
85 - 269
معلوم ہوا جب ان جیسے بُزُرگ علماء کرام رحمہم اللہ بھی مرشِد کامل کے محتاج ہیں ۔تو ہم جیسوں کیلئے تو یہ ازحد ضَروری ہے ۔(لطائف المنن والاخلاق)
ان تمام اقوال سے پتا چلا کہ مرشِد کامل کی صحبت سے ملنے والی تربیت بہت ضَروری ہے۔اب اگر واقعی آپ کو کسی مرشِد کا مل کی تلاش ہے توشریعَت و طریقت کی جامع شخصیت امیرِ اَہلسنّت دامت بَرَکاتہم العالیہ فی زمانہ ربّ عَزَّوَجَلَّ کی بہت بڑی نعمت ہیں ۔جن کی صحبت سے عمل میں اضافہ اور آخِرت کی تیاری کاذہن بنتا ہے ۔ حُقوق اللہ اور حُقوق العباد کی بجا آوری کی طرف طبَیْعَت مائل ہوتی ہے۔مزید معلومات کیلئے مکتبۃ المدینہ سے وقتاً فوقتاً شائع ہونے والے امیرِ اَہلسنّت دامت بَرَکاتہم العالیہ کی حیاتِ مبارکہ سے متعلق رسائل(مثلاً کافر خاندان کا قبولِ اسلام، امیرِ اَہلسنّت کی احتیاطیں، عیسائی پادری کاقبولِ اسلام وغیرہا) کا ضَرور مطالَعَہ فرمائیں۔مرشِد کامل کی صحبت کے حُصول کاایک مَدَ نی ذریعہ
جس کسی مریدکو اپنے پیر و مرشِد کی ظاہری صحبت پانے میں کوئی شرعِی مجبوری مانع ہو۔ اس کے لئے علماء کرام فرماتے ہیں،کہ اگر کسی کے مرشِد صاحبِ تصنیف ہیں اور سنتوں بھرے اصلاحی بیانات بھی فرماتے ہیں۔ تو ان کی تصنیفات ، تالیفات و بیانات کی صحبت کو اپنے پیرو مرشِد کی ہی صحبت سمجھے۔