Brailvi Books

    عُلَماکرام رَحِمَہُمُ اللہ فرماتے ہیں ،بے شک رسو لُ اللہ صلی اللہ تعالیٰ علیہ واٰلہٖ وسلم کی رِسالت عام ہے اور قِیامت تک کیلئے ہے ۔ اور ہر دور میں علماء و عارِفین رحمہم اللہ آپ صلی اللہ تعالیٰ علیہ واٰلہٖ وسلم کے وارث ہوتے ہیں ۔ان عارِفین نے اپنے نبی علیہ السلام سے علْم ، اخلاق، ایمان ، اور تقویٰ ورثہ میں پایا۔ یہ نصیحت اور نیکی کی دعوت دینے میں حضورِ اقدس صلی اللہ تعالیٰ علیہ واٰلہٖ وسلم کے جانشین ہیں ۔یہ حضور صلی اللہ تعالیٰ علیہ واٰلہٖ وسلم کے نور سے اِکتِسا بِ فَیض کرتے ہیں ،اور جو بھی ان کی ہم نشینی اختیار کرتا ہے ان کا وہ حال اس کی طرف سِرایَت کرجاتا ہے جو انہوں نے رسولُ اللہ صلی اللہ تعالیٰ علیہ واٰلہٖ وسلم سے حاصل کیا۔