Brailvi Books

    اب ان خوش نصیب اسلامی بھائیوں اور اسلامی بہنوں کے ایمان افروز واقعات پیشِ خدمت ہیں جنہیں زمانے کے ولی کے دامن سے وابستگی کی وہ بہاریں نصیب ہوئیں کہ ان کی قبریں طویل مدت کے بعد کسی حاجتِ شدیدہ کے باعث کھولی گئیں تو نہ صرف ان کے جسم اور کفن سلامت تھے بلکہ ان کی قبروں سے خوشبوؤں کی لپٹیں بھی آرہی تھیں۔ اور ان خوش نصیبوں کیلئے کتنی بڑی بشارت ہے کہ نبی کریم رءوف الرحیم صلی اللہ تعالیٰ علیہ واٰلہٖ وسلم نے ارشاد فرمایا کہ قبْر جنّت کے باغوں میں سے ایک باغ ہے یا دوزخ کے گڑھوں میں سے ایک گڑھا ہے ۔ ( ترمذی شرف ج 4س 209)  اَلْحَمْدُ للہ عَزَّوَجَلَّ ان خوش نصیبوں کے تروتازہ اجسام کا قبروں سے صحیح و سالم ظاہر ہونا اس بات کی علامت ہے کہ ان کی قبریں ربّ عَزَّوَجَلَّ کے کرم سے جنّت کا باغ ہیں۔ان ایمان افروز واقعات کا بغور مطالعہ فرمائیں۔