Brailvi Books

    سُلوک کے معنی راستے پر چلنا ہے ، اور راستے پر چلنے والے کو سالک کہتے ہیں۔سالک ! شَرِیْعَت وطریقت دونوں کا جامع ہوتا ہے وہ لطائفِ روحانی کی بیداری سے دَرَجہ بدَرَجہ ترقی کرتا ہے۔ اُس وجہ سے اُس کے شُعور کی سَکَت(یعنی قوت) قائم رہتی ہے اور اسکا شُعور مغلوب نہیں ہوتا۔ جبکہ مجذوب لطائف کی بیداری سے یکدم روحانیت کی بلند منزلوں میں مُسْتَغْرِق ہو کر رہ جاتا ہے ۔اُس کی شُعوری صلاحیتیں مغلوب ہوجاتی ہیں ،جس کی وجہ سے وہ ہوش و حواس سے بے نیاز ہوکر دنیاوی دلچسپیوں سے لاتعلق ہوجاتا ہے ۔یعنی مجاذیب اللہ عَزَّوَجَلَّ کے وہ مخصوص بندے ہیں جنہیں دیگر مخلوق سے کوئی واسطہ و تعلق نہیں ہوتا ۔وہ از خود نہ کھاتے ہیں نہ پیتے ہیں، نہ پہنتے ہیں نہ نہاتے ہیں، انہیں سردی گرمی ،نفع و نقصان کی خبر تک نہیں ہوتی ۔اگر کسی نے کھلادیا تو کھا پی لیا ،پہنادیا تو پہن لیا، نہلادیا تو نہا لیا، سردیوں