Brailvi Books
 |
آدابِ مرشدِ کامل |
وقت کا فائدہ ابن عجیبیہ علیہ الرحمۃفرماتے ہیں ہر انسان پر واجب ہے کہ تمام رکاوٹوں اور مصروفیات کو ختم کرکے خواہشاتِ نفسانی کی مخالِفت کرتے ہوئے ( اللہ عَزَّوَجَلَّ کی بارگاہ کی طرف رجوع کرنے میں) جلدی کرے، اور کسی دوسرے وقت کا منتطر نہ رہے کہ اَہلِ طریقت وقت سے فائدہ اٹھانے والے ہوتے ہیں۔
(حقائق عن التصوف ، الباب الثانی الذکر ورد الصوفیۃ ودلیلہ من الکتاب والسنۃ ، ص ۲۳۳)
غفلت کے ساتھ ذکر ابن عطاء اللہ سکندری علیہ رحمۃاللہ القوی فرماتے ہیں کہ حضورِ قلب حاصل نہ ہونے پر ذکر (اَورادو وظائف )ترْک نہیں کرنا چاہیے ، (اَورادو وظائف) اور ذکر کو بالکل چھوڑدینا غفلت کے ساتھ ذکر کرنے سے بڑی غفلت ہے۔ عین ممکن ہے کبھی بھی آپ غفلت کے ساتھ ذکر کرتے کرتے ، دل کی حُضوری کے ساتھ ذکر کرنے کے مرتبے میں پہنچ جائیں ۔ اہل طریقت نے تو مراتب حاصل کرنے کے باوُجود اپنے اَوراد نہیں چھوڑے۔