Brailvi Books

فَجَمَعْنٰہُمْ جَمْعًا ﴿ۙ۹۹﴾
ترجمۂکنزالایمان: اور اس دن ہم انہیں چھوڑ دیں گے کہ ان کا ایک گروہ دوسرے پر ریلا دے گا اور صور پھونکا جائے گا تو ہم ان سب کو اکٹھا کر لائیں گے۔
ترجمۂکنزُالعِرفان: اور اس دن ہم انہیں چھوڑ دیں گے کہ ان کا ایک گروہ دوسرے پر سیلاب کی طرح آئے گا اور صُور میں پھونک ماری جائے گی تو ہم سب کو جمع کر لائیں گے۔
{وَ تَرَکْنَا بَعْضَہُمْ یَوْمَئِذٍ:اور اس دن ہم انہیں چھوڑ دیں گے۔} ارشاد فرمایا کہ جب دیوار ٹوٹ جائے گی تو اس دن ہم یاجوج اور ماجوج کو اس طرح چھوڑ دیں گے کہ ان کا ایک گروہ دوسرے پر اس طرح آئے گا جس طرح پانی کی لہر ایک دوسرے پر آتی ہے اور وہ اپنی کثیر تعداد کی وجہ سے ایک دوسرے کے ساتھ ملے ہوئے ہوں گے۔(1)
{وَ نُفِخَ فِی الصُّوۡرِ:اور صُور میں پھونک ماری جائے گی۔} اس سے ثابت ہوتا ہے کہ یا جوج ماجوج کا نکلنا قربِ قیامت کے علامات میں سے ہے۔(2)
{فَجَمَعْنٰہُمْ جَمْعًا:تو ہم سب کو جمع کر لائیں گے۔}یعنی ہم قیامت کے دن تمام مخلوق کو عذاب و ثواب کے لئے جمع کر لائیں گے۔(3)
وَّعَرَضْنَا جَہَنَّمَ یَوْمَئِذٍ لِّلْکٰفِرِیۡنَ عَرْضَۨا ﴿۱۰۰﴾ۙ
ترجمۂکنزالایمان: اور ہم اس دن جہنم کافروں کے سامنے لائیں گے ۔
ـــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــ

1…خازن، الکہف، تحت الآیۃ: ۹۹، ۳/۲۲۶۔
2…خازن، الکہف، تحت الآیۃ: ۹۹، ۳/۲۲۶۔
3…مدارک، الکہف، تحت الآیۃ: ۹۹، ص۶۶۴، روح البیان، الکہف، تحت الآیۃ: ۹۹، ۵/۳۰۱، ملتقطاً۔