Brailvi Books

عَلَیْہِ الصَّلٰوۃُ وَالسَّلَام حضرت موسیٰ عَلَیْہِ الصَّلٰوۃُ وَالسَّلَام سے بہت پہلے کے ہیں۔ 
وَ نَادَیۡنٰہُ مِنۡ جَانِبِ الطُّوۡرِ الْاَیۡمَنِ وَ قَرَّبْنٰہُ نَجِیًّا ﴿۵۲﴾
ترجمۂکنزالایمان: اور اسے ہم نے طور کی دا  ہنی جانب سے ندا فرمائی اور اسے اپنا راز کہنے کو قریب کیا۔
ترجمۂکنزُالعِرفان: اور ہم نے اسے طور کی دائیں جانب سے پکارا اور ہم نے اسے اپنا راز کہنے کیلئے مقرب بنایا۔ 
{وَ نَادَیۡنٰہُ مِنۡ جَانِبِ الطُّوۡرِ الْاَیۡمَنِ:اور ہم نے اسے طور کی دائیں جانب سے پکارا ۔} طور ایک پہاڑ کا نام ہے جو مصر اور مَدْیَن کے درمیان ہے۔ حضرت موسیٰ عَلَیْہِ الصَّلٰوۃُ وَالسَّلَام کو مدین سے آتے ہوئے طور کی اس جانب سے جو حضرت موسیٰعَلَیْہِ الصَّلٰوۃُ وَالسَّلَام کے دائیں طرف تھی ایک درخت سے ندا دی گئی
’’یٰمُوۡسٰۤی اِنِّیۡۤ اَنَا اللہُ رَبُّ الْعٰلَمِیۡنَ ‘‘ (1)
ترجمۂکنزُالعِرفان:اے موسیٰ میں ہی اللّٰہ ہوں، تمام جہانوں کا پالنے والا ۔
	اس کے بعداللّٰہ تعالیٰ نے حضرت موسیٰ عَلَیْہِ الصَّلٰوۃُ وَالسَّلَام سے بلاواسطہ کلام فرمایا اور آپ عَلَیْہِ الصَّلٰوۃُ وَالسَّلَام کلیمُ اللّٰہ کے شرف سے نوازے گئے ۔آپ عَلَیْہِ الصَّلٰوۃُ وَالسَّلَام کو مرتبۂ قرب عطا فرمایا گیا ، حجاب اٹھا دئیے گئے یہاں تک کہ آپ نے قلموں کے چلنے کی آواز سنی اور آپعَلَیْہِ الصَّلٰوۃُ وَالسَّلَام کی قدرو منزلت بلند کی گئی۔(2)
کلیم اور حبیب میں فرق:
	یہا ں اللّٰہ تعالیٰ کے کلیم حضرت موسیٰ عَلَیْہِ الصَّلٰوۃُ وَالسَّلَاماور اللّٰہ تعالیٰ کے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کے مقام و مرتبے کافرق ملاحظہ ہو کہ اللّٰہ تعالیٰ نے حضرت موسیٰ عَلَیْہِ الصَّلٰوۃُ وَالسَّلَامسے کوہِ طور پر جو کلام فرمایا اسے اپنے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَکے ذریعے سب پر ظاہر فرما دیا لیکن اللّٰہ تعالیٰ نے معراج کی رات لا مکاں میں اپنے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَسے جو کلام فرمایا وہ کسی کو نہ بتایا بلکہ یہ ارشاد فرما کرسب سے چھپا دیا کہ 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…قصص:۳۰۔
2…خازن، مریم، تحت الآیۃ: ۵۲، ۳/۲۳۷-۲۳۸۔