Brailvi Books

وَ تَكُوْنُ الْجِبَالُ كَالْعِهْنِ الْمَنْفُوْشِؕ(۵)
ترجمۂکنزالایمان: اور پہاڑ ہوں  گے جیسے دُھنکی اون ۔
ترجمۂکنزُالعِرفان: اور پہاڑ رنگ برنگی دھنکی ہوئی اون کی طرح ہوجائیں  گے۔
{وَ تَكُوْنُ الْجِبَالُ كَالْعِهْنِ الْمَنْفُوْشِ: اور پہاڑ رنگ برنگی دھنکی ہوئی اون کی طرح ہوجائیں  گے۔} یعنی دل دہلا دینے والی قیامت کی ہَولْناکی اور دہشت سے بلند و بالا اور مضبوط ترین پہاڑوں  کا یہ حال ہو گا کہ وہ ریزہ ریزہ ہو کر ہوا میں  اس طرح اڑتے پھریں  گے جس طرح رنگ برنگی اُون کے ریزے دُھنتے وقت ہوا میں  اڑتے ہیں  تو ا س وقت کمزور انسان کا حال کیا ہو گا!( خازن، القارعۃ، تحت الآیۃ: ۵، ۴/۴۰۳، روح البیان، القارعۃ، تحت الآیۃ: ۵، ۱۰/۵۰۰، ملتقطاً)
 فَاَمَّا مَنْ ثَقُلَتْ مَوَازِیْنُهٗۙ(۶) فَهُوَ فِیْ عِیْشَةٍ رَّاضِیَةٍؕ(۷) وَ اَمَّا مَنْ خَفَّتْ مَوَازِیْنُهٗۙ(۸) فَاُمُّهٗ هَاوِیَةٌؕ(۹) وَ مَاۤ اَدْرٰىكَ مَاهِیَهْؕ(۱۰) نَارٌ حَامِیَةٌ۠(۱۱)
ترجمۂکنزالایمان: تو جس کی تولیں  بھاری ہوئیں  ۔وہ تو من مانتے عیش میں  ہیں  ۔اور جس کی تولیں  ہلکی پڑیں  ۔وہ نیچا دکھانے والی گود میں  ہے ۔اور تو نے کیا جانا کیا نیچا دکھانے والی۔ایک آگ شعلے مارتی ۔
ترجمۂکنزُالعِرفان: توبہرحال جس کے ترازو بھاری ہوں  گے ۔وہ تو پسندیدہ زندگی میں ہوگا۔اور بہرحال جس کے ترازو ہلکے پڑیں گے۔تو اس کا ٹھکانہ ہاویہ ہوگا۔ اور تجھے کیا معلوم کہ وہ کیا ہے؟ ایک شعلے مارتی آگ ہے۔