Brailvi Books

لئے حضرتِ نوح اور حضرتِ لوط  عَلَیْہِمَا الصَّلٰوۃُ وَالسَّلَام کی کافرہ بیویوں  کی مثال بیان کی گئی اور مسلمانوں  کے لئے فرعون کی مومنہ بیوی حضرت آسیہ رَضِیَ اللّٰہُ تَعَالٰی  عَنْہَا  اور حضرت عیسیٰ عَلَیْہِ الصَّلٰوۃُ وَالسَّلَام کی والدہ حضرت مریم رَضِیَ اللّٰہُ تَعَالٰی عَنْہَا کی مثال بیان کی گئی اور یہ سورت اللّٰہ تعالیٰ کے علم کے اِحاطے ، تدبیر اور ا س بات پر دلالت کرتی ہے کہ وہ اپنی مخلوق میں  جو عجائبات چاہے ظاہر کرتا ہے۔
بِسْمِ اللّٰهِ الرَّحْمٰنِ الرَّحِیْمِ 
ترجمۂکنزالایمان: اللّٰہ کے نام سے شروع جو نہایت مہربان رحم والا۔
ترجمۂکنزُالعِرفان: اللّٰہ کے نام سے شروع جو نہایت مہربان ، رحمت والاہے ۔
تَبٰرَكَ الَّذِیْ بِیَدِهِ الْمُلْكُ٘- وَ هُوَ عَلٰى كُلِّ شَیْءٍ قَدِیْرُۙ(ﰳ۱)
ترجمۂکنزالایمان: بڑی برکت والا ہے وہ جس کے قبضہ میں  سارا     مُلک اور وہ ہر چیز پر قادر ہے ۔
ترجمۂکنزُالعِرفان: بڑی برکت والا ہے وہ جس کے قبضے میں  ہی ساری بادشاہی ہے اور وہ ہر چیز پر خوب قادر ہے۔
{تَبٰرَكَ: وہ بڑی برکت والا ہے۔} یعنی اللّٰہ تعالیٰ اپنی ذات میں  ،صفات میں  اور اَفعال میں  اَزل سے لے کر اَبد تک مخلوق کی صفات سے پاک ہے اور صرف اسی کے قبضۂ قدرت میں  تمام اُمور میں  ہر طرح کا تَصَرُّف ہے ،لہٰذا وہ جس چیز کا چاہے حکم دے اور جس چیز سے چاہے منع کر دے ،جو چاہے عطا کرے اور جو چاہے نہ دے،جسے چاہے زندگی دے اور جسے چاہے موت دے،جسے چاہے عزت دے اورجسے چاہے ذلت دے،جسے چاہے غریب بنا دے اور جسے چاہے امیر کر دے،جسے چاہے بیمار کر دے اور جسے چاہے شفا عطا کر دے،جسے چاہے قریب کر دے اور جسے چاہے دور کر دے ،جسے چاہے آباد کر دے اور جسے چاہے برباد کر دے،جسے چاہے توڑ دے اور جسے چاہے ملا دے اور وہ ہر ا س