Brailvi Books
 |
صدائے مدینہ |
23 - 30
اب پھر اُوپر دیا ہوا دُرُود و سلام پڑھئے، اس کے بعد مَوْقَع کی مُنَاسَبَت سے دوبارہ اُوْپَر دیا ہوا مَضمون یا ذیل میں دیئے گئے اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ کے نَظْم کردہ اَشعار میں سے مُنْتَخَب اَشعار پڑھئے:1 فَجْر کا وَقْت ہو گیا اُٹّھو! فَجْر کا وَقْت ہو گیا اُٹّھو! اے غُلامانِ مصطفےٰ اُٹّھو! جاگو جاگو، اے بھائیو، بہنو! چھوڑ دو اب تَو بِسترا اُٹّھو! تم کو حج کی خدا سَعَادَت دے جَلْوَہ دیکھو مدینے کا اُٹّھو! اُٹّھو ذِکْرِ خُدا کرو اُٹھ کر! دِل سے لو نامِ مصطفےٰ اُٹّھو! فَجْر کی ہو چکی اَذانیں وَقْت ہو گیا ہے نَماز کا اُٹّھو! بھائیو! اُٹھ کر اب وُضو کر لو اور چلو خانۂ خُدا اُٹّھو! نیند سے تو نَماز بِہتر ہے اب نہ مُطْلَق بھی لیٹنا اُٹّھو! اٹھ چکو اب کھڑے بھی ہو جاؤ! آنکھ شیطان نہ دے لگا اُٹّھو! جاگو جاگو نَماز غَفْلَت سے کر نہ بیٹھو کہیں قَضا اُٹّھو! اب”جوسوئے نَمازکھوئے“ وَقْت سونے کا اب نہیں رہا اُٹّھو! یاد رکّھو! نَماز گر چھوڑی قَبْر میں پاؤ گے سزا اُٹّھو! بے نَمازی پھنسے گا مَـحْشَر میں ہو گا ناراض کِبْرِیا اُٹّھو! میں ’’ صدائے مدینہ‘‘ دیتا ہوں تم کو طیبہ کا واسِطہ اُٹّھو! میں بِھکاری نہیں ہوں دَر دَر کا میں ہوں سرکار کا گدا اُٹّھو! مـــــــــــــــــــــــــــــــــــــــــــــــــــــــــــــــــــــــــدینـــہ ……… نیک بننے بنانے کے طریقے، ص۱۸۸ بتصرف