Brailvi Books
 |
نیکی کی دعوت (حصہ اول) |
7 - 7
اوقات میں پڑھ پڑھ کر مسلمانوں کو سنائیے اگر کسی کا دل چوٹ کھاگیا اور وہ قراٰن و سنّت کی راہ پر آگیا توان شاء اللہ عزوجل آپ کا بھی بیڑا پار ہوگا۔نبیِّ حاشِر،رسولِ صابِر و شاکِر،محبوبِ ربِّ قادِر صلی اللہ تعالیٰ علیہ واٰلہ وسلم نے فرمایا:اگر اللہ عزوجل تمہارے ذَرِیعے کسی ایک شخص کوہدایت عطا فرمائے تو یہ تمہارے لئے اس سے اچّھاہے کہ تمہارے پاس سُرخ اُونٹ ہوں۔
(مُسلِم ص۱۳۱۱ حدیث ۲۴۰۶)
حضرتِ علّامہ یحیی بن شَرَف نَوَوِی(نَ۔وَ۔وی)علیہ رحمۃ اللہ القوی اِس حدیثِ نَبَوی(نَ۔بَ۔وی)کی شَرْح میں لکھتے ہیں:سُرْخ اونٹ اہلِ عَرَب کا بیش قیمت مال سمجھا جاتا تھا،اِس لئے ضَربُ المَثَل(یعنی کہاوت)کے طور پر سُرخ اُونٹوں کا ذِکْر کیا گیا۔اُخْرَوی(اُخْ۔رَوی)اُمور کو دُنْیوی چیزوں سے تَشْبِیْہ(تَشْ۔بِیْہ یعنی مثال)دینا صِرف سمجھانے کے لئے ہے ورنہ حقیقت یِہی ہے کہ ہمیشہ باقی رہنے والی آخِرت کا ایک ذرّہ بھی دُنیا اور اِس جیسی جتنی دنیائیں تصوُّر کی جاسکیں،اُن سب سے بہتر ہے۔
(شَرحِ مُسلِم لِلنَّوَوِی ج ۱۵ ص۱۷۸)