Brailvi Books

 اُس نے اسے چھپایا اور لوگوں سے اس کی شکایت نہ کی تو اللہ عَزَّ وَجَلَّ پر حق ہے کہ اس کی مغفِرت فرما دے۔‘‘             (مُعْجَم اَ وْسَط  ج ۱ ص ۲۱۴ حدیث ۷۳۷  )
   داڑھ میں دَرد کے سبب میں سو نہ سکا!(حکایت )
	 حُجَّۃُ الْاِسلام حضرتِ سیِّدُنا امام محمد غزالی عَلَیْہِ رَحْمَۃُ اللہِ الوالینقل کرتے ہیں:حضرتِ سیِّدُنا  احنف بن قیس رَحْمَۃُ اللہِ تَعَالٰی عَلَیْہِ فرماتے ہیں:ایک بار میری داڑھ میں شدید درد ہوا جس کے سبب میں ساری رات سو نہ سکا ۔ میں نے دوسرے دن اپنے چچا جان عَلَیْہِ رَحْمَۃُ الحَنّانکی خدمت میں شکایت کی کہ’’ میں داڑھ کے درد کی وجہ سے ساری رات سو نہ سکا ۔‘‘ اس بات کو میں نے تین باردُہرایا۔ اِس پر اُنہوں نے فرمایا: تم نے ایک ہی رات میں ہونے والے اپنے دَرد کی اتنی زِیادہ شکایت کر ڈالی! حالانکہ میری آنکھ کو ضائِع ہوئے تیس برس ہو چکے ہیں، (اگر چِہ دیکھنے والوں کو معلوم ہو مگر اپنی زَبان سے ) میں نے کبھی کسی سے اِس کی شکایت نہیں کی ! (اِحیائُ العُلُوم  ج ۴ ص ۱۶۴)اللّٰہُ رَبُّ الْعِزَّت عَزَّوَجَلَّ  کی اُن پر رَحمت ہو اور ان کے صَدقے ہماری بے حساب مغفِرت ہو۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم
زبان پر شکوۂ رنج و اَلَم لایا نہیں کرتے
نبی کے نام لیوا غم سے گھبرایا نہیں کرتے
صَلُّوا عَلَی الْحَبِیْب! 	صَلَّی اللہُ تَعَالٰی عَلٰی مُحَمَّد